又到聖誕，又到聖誕，今年大家都冇乜心情慶祝，然後朱古力都收少左。。。
不過講開聖誕，一定要同大家分享呢間全年都咁有聖誕氣氛嘅酒店！！！
（真係唔係賣廣告，斷估你地都唔會特別去呢道住）
幾年前某一日（仲要係夏日熱辣辣），第一次飛去呢個地方，經過呢間咁「呵 呵 呵」嘅酒店，即刻好興奮
年少無知嘅我就問呀姐
「呀姐，我地係咪住呢間呀？」
然後點都估唔到呀姐即刻大叫
「啋，緊係唔係啦。」
我「吓，點解咁大反應 啋 呀」
後來我先發現呢間聖誕老人酒店原來係九龍塘理想啲朋友，仲要有主題喎。係啊！一年三百六十五日都係聖誕老人，佢又呵呵呵，你又呵呵呵，真係諗起都呵呵呵
🎅🏻🎅🏼🎅🏽🎅🏾🎅🏿
自此之後，每一次同啲新同事飛呢道，我都會叫佢地估下呢座野係乜
目前為止，最有創意嗰位同事係話
「如果佢唔係用黎 呵呵呵，聖誕節真心可以安排大家喺道住返晚」
Btw 呢間野都已經好多年，唔知聖誕呢幾日啲生意有冇特別多左呢 🤪
Search